Hľadaný výraz: Jn 8,12-20, Preklad: Hebrejský - Moderný, Počet výsledkov: 1
| 12 ויסף ישוע וידבר אליהם לאמר אני אור העולם כל ההלך אחרי לא יתהלך בחשכה כי אור החיים יהיה לו׃ 13 ויאמרו הפרושים על נשפך מעיד אתה עדותך איננה נאמנה׃ 14 ויען ישוע ויאמר אליהם אף אם אעיד על נפשי עדותי נאמנה יען כי ידעתי מאין באתי ואנה אני הלך ואתם לא ידעתם מאין באתי ואנה אלך׃ 15 אתם לפי הבשר תשפטו ואני לא אשפט איש׃ 16 ואם אנכי אשפט משפטי אמת כי לא לבדי הנני כי אם אני והאב אשר שלחני׃ 17 וגם בתורתכם כתוב כי עדות שני אנשים נאמנה היא׃ 18 אני הוא המעיד עלי וגם האב אשר שלחני יעידני׃ 19 ויאמרו אליו איו אביך ויען ישוע גם אתי גם את אבי לא ידעתם אלו אתי ידעתם כי עתה גם את אבי ידעתם׃ 20 כדברים האלה דבר בבית האוצר בלמדו במקדש ולא תפשו איש כי לא בא עתו׃ |
